Sunday, September 19, 2021

I Riu i Burgosur Torturohet për Vdekje në një Burg të Iranit Verior

 

Të riun e burgosur Mohammad Dowji, 19 vjeç, e kanë torturuar për vdekje rojat e burgut Amirabad në Gorgan më 18 nëntor 2020. Atë e kishin burgosur për shkak se ishte përfshirë në një përleshje. Djali ishte nga fshati Odak Dowji në AghGhala të provincës Gorgan, në Iranin verior.

Një nga të burgosurit e këtij burgu ka thënë: “Në burg shpërtheu një përleshje. Për ta ndëshkuar Mohammad-in, rojat e burgut e zhveshën atë dhe ia lidhën duart e këmbët. E varën nga tavani në të ftohtë dhe e rrahën deri sa ai humbi ndjenjat. Pastaj i hodhën ujë të ftohtë përsipër. E bënë këtë përpara gjithë të burgosurve në mënyrë që të na bëhej mësim. Fatkeqësisht, Mohammad nuk mundi ta duronte torturën dhe ndërroi jetë në mëngjes.”

Ky i burgosur shtoi se autoritetet e burgut i kanë shtuar masat e sigurisë në burgun Amirabad pas këtij incidenti dhe kanë vënë kufizime të tjera mbi gjithë të burgosurit. Nuk i kanë lejuar të largohen asnjë nga të burgosurit që e kanë mbaruar periudhën e dënimit.