Thursday, August 11, 2022

Iran: 10 të burgosur u varen në burgun e Gohardasht.

Të paktën 100 të burgosur u ekzekutuan muajin e kaluar; një rekord i paprecedentë në shtatë vitet e fundit.

Zonja Maryam Rajavi: Ekzekutimet kriminale janë një shenjë e dëshpërimit të mullahëve përballë një shoqërie shpërthyese, por ato nuk do t’i shpëtojnë përmbysjes së pashmangshme.

Thirrje për veprim të menjëhershëm për të shpëtuar jetën e mijëra të burgosurve në dënim me vdekje dhe për te referuar dosjen e shkeljeve të të drejtave të njeriut në Iran në Keshillin eSigurimit të OKB-së.

Ditën e mërkurë, më 29 qershor, në një krim rrënqethës, regjimi klerik ka varur masivisht 10 të burgosur në burgun e Gohardashtit në Karaj. Më 22 qershor dy të burgosur u ekzekutuan në burgun qendror të Karajit dhe një i burgosur Baluch në Jiroft dhe më 23 qershor një tjetër i burgosur u ekzekutua në Kerman.

Në pamundësi për t’u përballur me kryengritjet dhe protestat sociale dhe për të krijuar një atmosferë terrori, fashizmi fetar që sundon në Iran ka rritur ekzekutimet masive. Muajin e kaluar ne iran, të paktën 100 të burgosur u varën në qytete të ndryshme të vendit, nje situate e paprecedentë në shtatë vitet e fundit.

Zonja Maryam Rajavi, Presidente e zgjedhur e Këshillit Kombëtar të Rezistencës së Iranit (NCRI), tha se ekzekutimet kriminale ishin një shenjë e dëshpërimit të mullahëve në pushtet përballë një shoqërie shpërthyese. Megjithatë, ky regjim mesjetar nuk mund t’i shpëtojë përmbysjes së tij të pashmangshme. Ajo i bëri thirrje komunitetit ndërkombëtar që të ndërmarrë veprime të menjëhershme për të shpëtuar jetën e mijëra të burgosurve të dënuar me vdekje dhe t’i referojë shkeljet e të drejtave të njeriut në Iran në Këshillin e Sigurimit të OKB-së. Ajo theksoi se liderët e regjimit duhet të dalin para drejtësisë për katër dekada të krimeve kundër njerëzimit dhe gjenocidit.