Friday, July 1, 2022

Arrestohen në mënyrë arbitrare 4 fotografe dhe regjisore dokumentarësh

4 women documentary filmmakers and photographers arrested arbitrarilyNga e majta, Shilan Saadi, Mina Keshavarz, Firouzeh Khosravani, Reyhaneh Taravati

Shërbimet e inteligjencës iraniane arrestuan në mënyrë arbitrare katër fotografe dhe regjisore dokumentarësh në Teheran më 9 dhe 10 maj 2022.

Firoozeh Khosravani

Firoozeh Khosravani, regjisore dokumentarësh, me banim në Teheran, u arrestua nga agjentët e inteligjencës të hënën, më 9 maj 2022. Gjatë një bisede telefonike me familjen e saj, zonja Khosravani u tha atyre se ishte në qendrën e paraburgimit të Ministrisë së Inteligjencës, Pavijoni 209 i Burgut Evin.

Firoozeh Khosravani është diplomuar për art në Akademinë Berra të Arteve të Bukura në Itali dhe ka një diplomë master në gazetari. Në vitin 2020, Khosravani fitoi çmimin për dokumentarin më të mirë me metrazh të gjatë, “Radiografia e një familjeje”. Ajo gjithashtu fitoi çmimin e Festivalit Ndërkombëtar të Filmit Dokumentar në Amsterdam për përdorimin krijues të arkivave. Firoozeh Khosravani ishte arrestuar në vitin 2009 për vendosjen e luleve mbi varret e viktimave të kryengritjes së atij viti në varrezat Behesht Zahra të Teheranit, por u lirua disa orë më vonë.

Mina Keshavarz

Në të njëjtën ditë, më 9 maj, shërbimet e inteligjencës arrestuan në Teheran një regjisore tjetër dokumentarësh, Mina Keshavarz. Ata e çuan në një vend të panjohur pas një kontrolli të plotë në shtëpinë e saj.

Mina Keshavarz, e lindur në vitin 1984, ka realizuar gjashtë dokumentarë deri më tani. Dokumentari i saj i fundit, “Arti i të jetuarit në rrezik”, ishte për viktimat e dhunës në familje.

Shilan Assadi

Një burim i informuar raportoi se më 10 maj, nëntë agjentë të sigurimit bastisën shtëpinë e Shilan Saadi, një producente kurde dokumentaresh, kontrolluan shtëpinë e saj dhe e morën me vete.

Shilan Saadi ka lindur në vitin 1980 dhe ka 15 vite përvojë në kinematografi. Në vitin 2019, Shilan Saadi, me një dokumentar të quajtur “Premtova” për shtatë gra jazide në një kamp turk refugjatësh, dhe Mina Keshavarz, me një film rreth grave, u pranuan në Festivalin e Berlinales.

Zyra e Prokurorisë së Qarkut 33 të Teheranit mbikëqyri arrestimet e të gjithë personave të mësipërm.

Reyhaneh Taravati

Shërbimet e inteligjencës iraniane arrestuan Reyhaneh Taravati, fotografe dhe kameramane, më 9 maj 2022 dhe e çuan në një vend të panjohur.

Zonja Taravati ishte arrestuar në vitin 2014 për publikimin e një versioni iranian të Happy Song me një grup. Ajo u lirua disa javë më vonë. Gjykata e dënoi me një vit burg, pezulluar për tre vjet.