Friday, March 29, 2024

Maryam Rajavi: Është koha për veprim urgjent për të detyruar regjimin e mullahëve për të ndaluar torturën dhe ekzekutimin e personave të arrestuar gjatë kryengritjes së Iranit

Mesazh për mbledhjen e Senatit të Sh.B.A me titull, “Kryengritja e Iranit: Kombi ngrihet për liri”

Të nderuar senatorë,

Personalitete të nderuar,

Të dashur miq të popullit iranian dhe të Rezistencës,

Unë do të doja të shpreh mirënjohjen time për interesimin tuaj për luftën e popullit iranian për liri në Iran.

Ditët e fundit, një numër i senatorëve të nderuar nga të dy partitë e shtrinë mbështetjen e tyre ndaj kryengritjes iraniane.

Ata treguan se përfaqësuesit e demokracisë Amerikane qëndrojnë pranë popullit të Iranit.

Në emër të popullit të Iranit, i falënderoj sinqerisht.

Personalitete te nderuar,

Kryengritja e Iranit që filloi më 15 nëntor, në vetëm disa ditë, u përhap në më shumë se 200 qytete në të gjithë Iranin. Reagimi i mullahëve ka qenë i pamëshirshëm. Ata kanë vrarë me gjakftohtësi më shumë se 1.000 protestues në rrugë. Ka video klipe tronditëse që tregojnë roje revolucionare që qëllojnë drejtpërdrejt te të rinjtë.

 

Një klip nga qyteti verior i Gorgan tregon një komandant të IRGC që qëllon një të ri nga larg. Pastaj një roje tjetër e godet me një sëpatë.

Më shumë se 12,000 njerëz janë arrestuar.

Por të rinjtë trima iranianë kanë qëndruar sfidues përballë këtij brutaliteti. Rajone të gjera të qytetit Shiraz në jug të Iranit, me 2 milion banorë ishin në duart e njerëzve për dy ditë.

Në disa qytete të tjera, njerëzit morën kontrollin e shumë rretheve nga IRGC.

Populli i Iranit tregoi se ata nuk do të pajtohen me asgjë përveç rrëzimit të regjimit.

Kjo kryengritje zbuloi disa fakte themelore:

Së pari, regjimi i mullahëve nuk ka mbështetje në popull dhe i mungon legjitimiteti.

Së dyti, regjimi nuk ka zgjidhje për të ofruar kur ka kriza politike dhe ekonomike.

Së treti, përpjekjet e MEK për të ndërtuar një lëvizje të organizuar patën sukses. Njësitë e rezistencës së MEK luajtën një rol kryesor në kryengritje.

Së katërti, përgjigjja për problemin e Iranit është të rrëzojë diktaturën fetare, që është dëshira e popullit iranian.

Zgjidhja për krizat në Lindjen e Mesme, nga Iraku, Jemeni, Siria dhe Libani, është rrëzimi i këtij regjimi.

Pra, kjo kryengritje do të vazhdojë derisa të vendoset liria dhe demokracia në Iran.

Drejtuesi i rezistencës iraniane, Massoud Rajavi ka thënë: “Kjo kryengritje do të vazhdojë, zgjerohet dhe thellohet. Ajo është e lidhur me rezistencën e organizuar dhe regjimi nuk ka rrugëdalje nga kjo përballje. “

Regjimi e konsideron vrasjen dhe shtypjen si mjetin e vetëm për të mbetur në pushtet.

Por asgjë nuk mund ta pengojë popullin iranian të luftojë për të arritur qëllimin e tyre të lirisë.

Miq të nderuar,

Fatkeqësisht, bashkësia ndërkombëtare nuk u është përgjigjur të gjitha këtyre arrestimeve dhe masakrave siç duhet.

Ky është vazhdimi i të njëjtit trend që u dha pandëshkueshmëri autorëve të masakrës së të burgosurve politikë në vitet ’80 dhe veçanërisht në 1988, kur udhëheqësit e tanishëm të regjimit ishin përgjegjës për masakrën e 30,000 të burgosurve politikë.

Unë i bëj thirrje bashkësisë ndërkombëtare të ushtrojë përgjegjësinë e saj për t’i dhënë fund këtij mosndëshkimi.

Është koha për të detyruar regjimin të ndalojë torturat dhe ekzekutimin e të arrestuarve gjatë protestave në Iran.

Qeveritë dhe bashkësia ndërkombëtare duhet të lënë mënjanë çdo konsideratë ose akomodim përballë teokracisë qeverisëse të Iranit dhe të kërkojnë ndalimin e menjëhershëm të vrasjeve dhe arrestimeve. Dhe nëse mullahët mbeten sfidues, KB duhet të vendosë me vendosmëri sanksione të Këshillit të Sigurimit.

Këshilli i Sigurimit i Kombeve të Bashkuara duhet të deklarojë drejtuesit e regjimit klerik dhe ata që janë përgjegjës për shtypjen e kryengritjes si kriminelë që kryejnë krime kundër njerëzimit në mënyrë që ata të përballen me drejtësinë.

Komuniteti botëror duhet të dënojë me forcë terrorizmin e internetit të regjimit dhe të ndihmojë popullin iranian për të prishur këtë bllokadë çnjerëzore. Ky regjim kupton vetëm gjuhën e fuqisë dhe qëndrueshmërisë. Mullahët duhet të parandalohen që të mos mbyllin internetin në situata kritike.

Duke përdorur dredhi të ndryshme, regjimi po përpiqet të fshehë numrin aktual të të vrarëve dhe të burgosurve. KB duhet të dërgojë me urgjencë misione për gjetjen e fakteve në Iran për të përcaktuar shtrirjen e numrit të dëshmorëve, të plagosurve dhe të burgosurve. Duke marrë parasysh që shumë nga të arrestuarit përballen me tortura dhe ekzekutim, dërgimi i misioneve të tilla ka përparësi absolute.

Është koha që bashkësia ndërkombëtare, veçanërisht Bashkimi Evropian dhe Shtetet e Bashkuara, të njohin luftën dhe rezistencën e popullit iranian për të rrëzuar regjimin klerik dhe të mbështesin të drejtën e tyre për të rezistuar kundër shtypjes dhe shfrytëzimit. Populli i Iranit pret që Kongresi të udhëheqë rrugën drejt njohjes së kësaj të drejte fisnike.

Një Iran i lirë dhe demokratik nuk është vetëm dëshira urgjente e popullit të Iranit, por është thelbësore për paqen dhe sigurinë në Lindjen e Mesme dhe në botë. Ju falënderoj shumë